من ذاكرة التاريخ

في البوست دة عاوزة اي واحد او وحدة تكتب لينا ذكرات مع الصورة ، يعني أي موقف حصل او اي ذكرى كانت ...

منتظرة مشاركاتكم في البوست
وتفاعلكم معانا

ديل حسي شكلو " الباص خرب عليهم في الطريق " ودي عبارة عن موقف .........
وانتو !!!!!

ههههههههههههه

يا سلاااام والله كفاية الواحد لمن كان يركب النيسان من الخرطوم كان بيشم ريحت البلد ،،،،

اترقبي الحكاوي
وبي جد فكرة البوست رائعة جداااااا

شكرا على البوست الرائع ..
وافتكر اجمل ما كانت في هذه الرحلات الشاقة .. التعارف والعلاقات الطيبة التي كانت تتولد فيها واستمرت بعضها واصبحت صداقات او اكثر بقليل ,,
وارجو ان امكن ارفاق صورة لسفريات _ابو عامر_ لان زكرياتنا (FRESH ) ,,

جد فكره حلوه ....
اول ماشفتا صورة البص اتحسست جبهتى وإبتسمتا اتذكرتا ضربات الحديد أثناء النوم ...
خاطره ..
كانت حلووووووووووووووة كرتونة الزااااد ... وبالأخص ( الكاباد) وملفوف فيهو قطع لذيدة من اللحمة زات المذاق الخاص ... وياسلام على قراصة البلح البايتة تانى يوم الرحلة مبااااااااااااااااااااااالغة ...
وللخواطر بقية
وكل الود يازهرتنا

يااااااسلام
انتو عارفين بعد ما قريت المساهمات في البوست دة اقترحت أن اغير اسم البوست من " من ذاكرة التاريخ " إلى " من الأمس " .

هههههههههههه
وشكراااا
Smile

اكتر حاجة كنت بخاف منها في الرحلة " هي البنطون " يا الله دة كان بالنسبة لي رحلة براها وبالذات لمن يكون في اكتر من ثلاثة باصات ..... مرة من المرات كان في البونطون حاجة بتاع باصين وكم عربية صغيرة ،،، لو كان كدا كان معقولة بس سواق البنطون قال عاوز يتحرك جا واحد من الرعاء وخلفو بعض من الأبقار ، وركب البنطون هو والمعاهو . الموية كانت عز الدميرة ، نحنا عدينا المسافة في اكثر من نص ساعة ...

بالجد دي كانت اصعب رحلة

ودمتم

ههههههههههه

شكرااا على مشاركاتكم ، مع انها ما كافية " طبعاً حتقولو عليا طماعة "
شكرا يآدمن ، وشكرا يا أبو حمودي ، وشكرا يا انيقة

ههههه بتخاف من البونطون ولا من البحر

وبعدن حقوق الطبع محفوظة كمان

شكرااا ليكم على المساهمة في البوست ومنتظرة كمان الزاد بتاع الطريق يا انيقة

لا من البونطون ولا من البحر ههههههه
وشكراااا على حقوق الطبع المحفوظة

ودمتي